Cristiano Ronaldo, futbollisti që u shndërrua në markë globale, me një pasuri marranendëse – rreth 350 milionë paund dhe më shumë – mund të ketë gjithçka. Gjithçka, me përjashtim të heshtjes që thuhet se dështoi ta blinte nga vajza që e akuzon për përdhunim.
Sulmuesi, i rekrutuar këtë vit në moshën 33 vjeçare nga Juventusi pas një karriere të shkëlqyer në Manchester United dhe Real Madrid, po përballet tani me mundësinë e gjykimit për përdhunim në shtetin e Nevadës.
Akuza në fjalë vjen nga ish-punonjësja e hotelit e quajtur Kathryn Mayorga, e cila pretendon se kapiteni i Portugalisë e ka përdhunuar atë në dhomën me vlerë 770 paund ku ka qëndruar në “Hotel Palms Place” në Las Vegas në 2009. Pretendimet u botuan së pari nga revista gjermane “Der Spiegel” ndërsa avokatët e Ronaldos kanë thënë se do të padisin revistën për këtë shkrim.
Në një deklaratë, avokati i Ronaldos Christian Schertz tha se ‘raportimi në Spiegel është i paligjshëm’. Ai ka shtuar se ai ishte udhëzuar të kërkonte kompensim për ‘dëmet morale’ për ‘ndoshta një nga shkeljet më serioze të të drejtave personale në vitet e fundit’.
Në një intervistë të gjatë dhe të detajuar, Mayorga i tregoi revistës së lajmeve gjermane “Der Spiegel” se si Ronaldo i kërkoi falje pas forcës së ushtruar ndaj saj pavarësisht refuzimeve të përsëritura.
Ajo thotë se ai i ishte ulur në gjunjë dhe i ka thënë: ”99% përqind e imja është një djalë i mirë, unë thjesht nuk e di për atë 1% tjetër” Duke pretenduar se ka vuajtur për vite me radhë pasojat dhe dëmet mendore dhe se ka pasur edhe mendime vetëvrasëse si rezultat i ngjarjes së rëndë, Mayorga thotë se avokatët e Ronaldos kanë blerë heshtjen e saj në 2010 me një dëmshpërblim prej 288,000 £ pa gjyq, gjë për të cilën ajo tani është penduar e i vjen keq.
Më herët, revista citon dokumenta duke pretenduar se avokatët e futbollistit morën një dedektiv privat për të ndjekur dhe gërmuar të shkuarën e vajzës në fjalë.
Nëse dëshmia e përdhunimit të vajzës vërtetohet kjo sigurisht do të jetë fatale për një ndër lojtarët më të mirë në botë.
Nga ana e tij Ronaldo në në video live bërë me ndjekësit dhe fansat në Instagram tha se “ata” po përdorin emrin e tij për të promovuar veten e tyre. Nuk dihet nëse me këtë futbollisti i referohet vajzës së përmendur nga revista gjermane.
Sipas “Der Spiegel”, Mayorga, tani 34 vjeç, kontaktoi policinë menjëherë pas sulmit të dyshuar, por fillimisht refuzoi të identifikonte sulmuesin e saj. Ajo pastaj vendosi të mos e ndjekë çështjen përmes sistemit penal dhe zgjodhi rrugën civile, dhe një zgjidhje.
Dje, Ronaldo, baba i katër fëmijëve, kundërshtoi, duke e akuzuar Mayorga për shitjen e një lajmi të rremë, ndërsa avokati i tij në Gjermani premtoi veprime ligjore kundër Der Spiegel, ndonëse revista vijon t’i qëndroj versionit të saj të historisë.
Çfarë ka ndodhur mes Marinës dhe Luanës?!
Pesë zakone të një çifti të lumtur!
