Cristiano Ronaldo ka shpërthyer në lot gjatë një interviste të dhënë në emisionin Good Morning Britain pasi në ekran u shfaq një video e babait të tij të ndjerë.
Përgjatë videos, babai i sportistit dëgjohet të flasë gjithë krenari për të birin, i cili në momentin që është filmuar video-ja Ronaldo kishte mundur të merrte pjesë në Euro 2004. Babai i Cristiano Ronaldos, një ish-i alkolizuar ndërroi jetë në moshën 52-vjeçare për shkak të problemeve me mëlçinë dhe nuk mundi të shikonte sukseset e mëdha të të birit, i cili tashmë është një ndër futbollistët më të mirë të botës.
Ronaldo nuk e kishte parë kurrë këtë intervistë, ndaj është emocionuar shumë dhe ka filluar të përlotet para kamerës
“Nuk e kam parë kurrë këtë video. Është e pabesueshme”– u shpreh futbollisti me sytë me lot. Ndërkohë Ronaldo rrëfeu edhe marrëdhënien me të atin. “Në të vërtetë nuk e njoh babain tim 100%. Ai dehej. Kurrë nuk kam bërë me të një bisedë normale. Ishte e vështirë,”-shtoi sulmuesi.
Ronaldo ishte vetëm 20 vjeç kur babai i tij vdiq dhe humbi shumë nga momentet më të mëdha të karrierës së tij. Që nga vdekja e tij, Ronaldo ka fituar 5 tituj të Ligës së Kampionëve, 5 Topa të Artë dhe çoi vendin e tij në Euro 2016.
34-vjeçari tha: “Familja ime e shikon, nëna, vëllezërit, madje edhe djali im i madh. Por babai, ai nuk shikon asgjë sepse vdiq shumë i ri.”
Parashikimi i Horoskopit, datë 16 shtator, 2019
Horoskopi ditor e diel – 15 shtator 2019
Parashikimi i horoskopit, datë 13 shtator 2019
