Ky është një moment shumë i dhimbshëm për Shqipërinë e përballur me tërmetin më të fuqishëm në katër dekada. Por ai njëkohësisht ka nxjerrë në pah një solidaritet dhe dashamirësi befasuese për vendin tonë. Shtetet fqinjë u cuan menjëherë në këmbë duke angazhuar ndihma e duke nisur ekipe specialistësh; vendet europiane gjithashtu shprehën gatishmërinë e plotë për të dhënë ndihmën e tyre. Por mbështetja, qoftë edhe morale, vjen deri nga vende të largëta si Emiratet e Bashkuara Arabe. Këtë e dëshmuan qartë fotot të cilat tregojnë një flamur gjigand shqiptar të shpalosej në mes Abu Dhabi-t.
