Celine
Origjina
Shtëpia lusoze e modës u themelua në vitin 1954 nga Céline Vipiana dhe gjithçka nisi me një butik këpucësh për fëmijë, e më pas u krijuan produktet e tjera kryesisht këpucë dhe çanta, të cilat u kthyen në simbol të luksit dhe cilësisë së lartë, ku materialet ishin thembra e Akilit, duke sjellë një game ngjyrash mbresëlënëse.
Gruaja moderne
“Gruaja moderne nuk ka nevojë për veshje të bukura, por elegante’ u shpreh stilistja, çka e identifikoi atë drejt serive të veshjeve chic. Edhe pse fillimisht krijoi pwr shtreswn e mesme, pak nga pak kjo markw u identifikua si simbol i të pasurve dhe sidomos personazheve të njohur të kinemasë.
Transformimi
Logoja e Celine ishte shumë e veçantë: një elefant i kuq i krijuar nga karikaturisti Raymont Peynet. Porn ë vitet ‘70, pasi Celine kishte hapur butikë në të gjithë globin, ridizajnoi logon e cila kishte në qendër dy ‘Cs’, të cilat simbolizonin monumentin parizian të Harkut të Triumfit.
Vent Fou
Në vitin 1963 Celine krijoi linjën e grave me këpucë dhe çanta prej lëkure të kalibrit të lartë, shoqëruar me rripa dhe doreza që prodhoheshin në Firence, ndërkaq po atë vit prezantoi Vent Fou, parfumin e parë të markës me bazë galbanum, jasemin dhe trëndafili.
Pse Celine?
Kur Michael Kors u emërua drejtor krijues i markës Celine ai rimodeloi gjithçka duke u bazuar tek AND-ja e kompanisë, një stil dedikuar elitës së modës. Edhe pse një proces i ngadaltë që zgjati nga 1997 deri në vitin 2004, ai dëshmoi se Celine mbetej frymëzim për shumë krijues dhe admirues të modës.
___________
Botuar ne Revisten Bordo
Gusht – Shtator
Galeria fotografike
