Kreu Stil Jetese

Gjithcka duhet të dini për shtëpinë e njohur të bukurisë Guerlain

9 Shkurt 2021, 08:43

Çfarë ju vjen në mendje kur dëgjoni emrin Guerlain? Padyshim, ikonën e parfumeve Shalimar. Por shtëpia e famshme Guerlain nuk u ndërtua brenda një dite, as nuk u ngrit brenda një dekade. Historia e parfumierit francez, një nga më të gjatat në llojin e tij, kapërcen kohën dhe traditën. Ishte viti 1828 kur kimisti Pierre-François-Pascal Guerlain, pasi ishte rritur në botën ekzotike të aromave të erëzave të babait të tij, hyri në shtëpitë dhe zemrat e grave pariziane.

Shtëpia e parfumeve

Pasi zbuloi formulat sekretet e aromave, ai fitoi zemrat e grave, madje hyri në dyert e perandoreshës Eugénie, gruaja e Napoleonit III, e cila i dha titullin “Parfumier i saj” për parfumin Eau de Cologne Impériale.

Simboli i bletës

Krijuesi i saj e zbukuroi shishen e Eau de Cologne Impériale me një bletë të pikturuar me dorë në ar. Edhe ky simboli përdoret në koleksionet kozmetike, të cilat janë pasuruar me bazë mjaltin e rrallë maroken.

Shalimar

Edhe pse u ble nga LVMH në vitet 1990, marka krehohet me gjeneratat e parfumierëve që ngriti këtë perandori: stërnipi Jacques Guerlain, krijoi Shalimar në vitin 1921, parfumi i parë orientale që hyri në treg.

Zbuluesit e orkidesë

E quajtur si kryevepra e kujdesit për lëkurën, kremi Orchidée Impériale Black me bazë lulen e famshme, ishte pari me formulën më efikase që lufton plakjen, ndaj shitet e konfeksionuar me porcelain natyral të zi.

Sfidat

Në emër të bukurisë, marka është e përgjegjëshme për produktet e saj, ndaj edhe Guerlain është zotuar për një paketim 100 për qind eko-miqësor deri në vitin 2020, premtim të cilin arriti ta mbante me sukses.