Djali i Hueyda El Saied nuk bën përjashtimin nga fëmijët e tjerë kur vjen fjala tek loja ( e shfrenuar), e cila bart në vetvete edhe rrezikun e ndonjë lëndimi të vogël. Gabrieli ka marrë një plagë në ballë, dhe për të ëmën, ky ishte një moment vërtet frikësues. Mesazhi i saj në rrjetet sociale e dëshmon qartë se më shumë është tronditur vetë Hueyda, ndërsa djali, edhe pse me kokën të fashuar, duket i qetë. “Jeta ime, zemra ime, shpirti im, dashuria e mamit dhe babit. Sot çau ballin dhe si rezultat kaluam disa orë në spital. Falë Zotit çdo gjë shkoi mirë. Tani jam bërë unë për spital”, ka shkruar ajo.
