Kantautori John Legend tha se marrëdhënia e tij me bashkëshorten e tij, modelen Chrissy Teigen, ishte “testuar” pas abortit të saj.
Legend, 43 vjeç, dhe Teigen, 36 vjeçe, humbën djalin, Jack, në shtator 2020. “Ne u testuam. Ishte një tragjedi. Por unë mendoj se kjo na forcoi vendosmërinë dhe qëndrueshmërinë tonë sepse ishim aty për njëri-tjetrin. Ne dolëm edhe më të sigurt se kush ishim si çift dhe si familje”, tha Legend për The Guardian.
Menjëherë pas humbjes së saj, Teigen ndau një seri fotosh në Instagram duke shpjeguar kalvarin për ndjekësit e saj.
Përveç dashurisë dhe mbështetjes nga shumë prej fansave të çiftit, Teigen dhe Legend iu nënshtruan edhe kritikave intensive, me disa pyetje pse ata do të ndanin një përvojë të tillë personale kaq publikisht.
