Teksa Gerard Piqué vazhdon jetën e tij të dashurisë pas ndarjes me Shakirën, këngëtarja kolumbiane mund të ndjekë gjurmët e futbollistit dhe, megjithëse nuk është konfirmuar ende, ajo së shpejti mund të takohet me ish-të dashurin e saj Antonio de la Rúa.
Shakira kishte një lidhje prej më shumë se 11 vitesh me De la Ruan, me të cilin u nda para se të fillonte miqësinë me Gerard Pique.
Ylli i Amerikës së Jugut po mendon vetëm për shërimin e plagëve dhe fëmijëve të tij pas ndarjes, por thuhet se një ribashkim i afërt me De la Rua është afër realizimit.
Karina Lavícoli, nga programi televiziv argjentinas ‘Socios del Espectáculo’, siguroi se djali i ish-presidentit Fernando de la Rúa dhe Shakira kanë pasur tashmë kontakte përmes telefonit dhe se Antonio është i gatshëm të ndihmojë kolumbianen në gjithçka që i nevojitet, madje ata kanë ranë dakord të takohen në Miami.
“Jam në gjendje të them se Shakira dhe Antonio de la Rúa kanë rifilluar kontaktet përmes telefonatave dhe kanë planifikuar të takohen më vonë, sepse ajo po kalon një kohë shumë të vështirë”, tha prezantuesja.
Kujtojmë që Shakira dhe De la Rúa kishin një lidhje prej më shumë se 11 vitesh, madje kolumbiania i dedikoi këngë, si “Día de enero” dhe të tjera.
Lajmet se ata janë afër ribashkimit deri tani janë vetëm aludime, pasi vetë Shakira në një intervistë të fundit tha se për momentin nuk do të kërkonte partner, sepse duhej të priste “të mbyllej plaga në kraharorin e saj dhe pastaj të shohë se çfarë do të ndodhë”.
Mbetet për t’u parë nëse do të jetë De la Rua ai që do të ndihmojë në shërimin e asaj plage?
