Angelina Jolie ngriti një kundërpadi këtë të martë, duke akuzuar ish-bashkëshortin e saj Brad Pitt se kishte dhunuar atë dhe dy nga fëmijët e tyre gjatë një fluturimi në bordin e një fluturimi me avion privat.
Një burim i afërt me Pitt është kundërpërgjigjur, duke mohuar akuzat. “Ajo vazhdon të rimendojë, rishikojë dhe riimagjinojë përshkrimin e saj për një ngjarje që ndodhi gjashtë vjet më parë duke shtuar informacione krejtësisht të pavërteta sa herë që nuk arrin atë që dëshiron”, tha burimi për Jolie.
Burimi vazhdoi, “Ajo pati mundësinë të ndante informacionin me forcat e rendit që morën vendimin për të mos ngritur akuza pas hetimit të tyre. Ajo pati mundësinë ta ndajë këtë gjatë gjyqit të gjatë. Ajo dhe ekipi i saj kthehen në të njëjtën gjë muaj pas muaji me informacione të reja dhe të rreme”.
Burimet thonë se është e qartë se “gjithçka që Angelina dëshiron është hakmarrja ndaj Brad” dhe se ajo ka helmuar fëmijët kundër Brad. Ai kurrë nuk ka thënë publikisht një fjalë të keqe për Angelinën, për hir të fëmijëve të tyre”.
Akuzat e abuzimit ishin pjesë e një kundërpadie ndaj padisë së shkurtit të Pitt kundër Jolie që pretendonte se ajo shiti pronat e tyre franceze dhe kantinë verës Château Miraval pa pëlqimin e tij.
Sipas padisë, Pitt e quajti shitjen e Jolie te një palë e tretë “të paligjshme”. Megjithatë, avokatët e Jolie pretenduan se ajo dhe Pitt mbyllën transaksionin e Miraval pa ndonjë marrëveshje se si ata të dy mund të shisnin interesat e tyre në pronë.
