Teksa u komentua marrëdhënia e krisur mes Bes Kallakut dhe Xhensila Myrtezajt, ish konkurrenti i “Për’puthen”, Arjon Bakaj tha ne TCH se problemet mes çiftit të njohur kanë nisur dy vite më parë.Sipas Bakajt, prej një viti aktori dhe këngëtari nuk jetonin më bashkë. Për sa i përket kërkesës së gjykatës, ai zbuloi më tepër detaje.
“Padia është kthyer mbrapsht sepse mungonin firmat. Kërkesa është bërë nga Xhensila. Bëhet fjalë edhe për një pension ushqimor 150 mijë lekësh, se aq e parashikon ligji. Problemet e tyre kanë filluar që dy vite më parë, gati një vit është tentuar që t’i rregullojnë marrëdhëniet, por prej një viti nuk janë më bashkë”, tha ai. “Është një e vërtetë që janë shumë pranë procesit të divorcit. Akoma nuk është bërë e ditur data e procesit të divorcit”, vijoi më tej gazetari.
