Kate Middleton, e cila dikur ishte në qendër me bashkëshortin, Princin William në fejesat mbretërore, "mund të mos kthehet më kurrë në rolin që njerëzit e shihnin më parë", tha një burim i brendshëm për 'Us Weekly'. Burimi shtoi se ajo aktualisht është duke "rivlerësuar atë që do të jetë në gjendje të marrë kur të kthehet" pasi iu nënshtrua trajtimeve parandaluese të kimioterapisë për kancerin e saj. Për më tepër, eksperti mbretëror Richard Fitzwilliams vuri në dukje se kur Middleton të jetë në gjendje të kthehet në detyrat e saj mbretërore "do të bazohet në këshillat mjekësore dhe do të balancohet me shumë kujdes".
Pak me heret një burim i tha 'Daily Beast' se ajo mund të mos shfaqet publikisht në krye të detyrave për pjesën e mbetur të vitit 2024. Middleton, 42 vjeç, ka qëndruar larg syve të publikut që nga janari, kur iu nënshtrua një operacioni, pas së cilit u diagnostikua me kancer. Familja mbretërore tentoi ta kalonte kete gje ne heshtje, por pas shperthimit te teorive te konspiracionit ne rrjet, princesha u detyrua te zbulonte të vërtetën më 22 mars kur deklaroi se mungesa e saj ishte për shkak të një diagnoze me kancer. Kate ende nuk e ka treguar publikisht se çfarë lloj kanceri ka.
