Jennifer Aniston ka kujtuar me emocione regjisorin legjendar të “Friends”, James Burrows, i cili është ndarë nga jeta në moshën 85-vjeçare.
Aktorja e njohur, 57 vjeç, ka ndarë në Instagram një mesazh të gjatë dhe prekës, vetëm një ditë pas lajmit të ndarjes së tij nga jeta më 20 qershor. Në postimin e saj, Aniston e përshkroi Burrows si një figurë të veçantë në jetën e saj dhe të gjithë kastit të serialit.
“Papa Burrows,” shkroi ajo, duke e nisur homazhin me një ton emocional. Ajo theksoi se ai ishte një njeri që gjatë gjithë jetës së tij i bëri të tjerët të ndihen të dashur dhe të vlerësuar, gjë që e bën edhe më të vështirë për ta përshkruar me fjalë.
Aniston tregoi se Burrows ishte si një baba për aktorët e “Friends”, duke i quajtur shpesh me humor “fëmijët e mi” dhe duke krijuar një atmosferë të ngrohtë gjatë xhirimeve, ku nuk mungonin shakatë dhe afrimiteti.
Ajo shtoi se regjisori kishte një rol të madh në jetën e saj profesionale dhe personale, duke e mbështetur dhe udhëhequr në momente të ndryshme të karrierës.
Në fund të mesazhit të saj, aktorja shprehu dhimbjen për humbjen e tij, duke thënë se do t’i mungojë zëri, e qeshura dhe mënyra e tij unike e punës.
Së bashku me dedikimin, Aniston publikoi edhe disa fotografi nga periudha të ndryshme me Burrows, përfshirë momente nga xhirimet e hershme të “Friends”.
Homazhe për regjisorin kanë bërë edhe kolegët e tjerë të kastit, të cilët e kanë përshkruar si një mentor dhe figurë atësore, që ndikoi thellësisht në suksesin dhe atmosferën e serialit.
