Rozana Radi ka rrëfyer linjën e jetës së saj gjatë spektaklit të kësaj të marte, nga humbja e prindërve te dëshira pamundësia për të patur fëmijë. Banorja tregoi se si ra shtatzënë për herë të parë në moshën 35-vjeçare, megjithatë fati nuk i buzëqeshi dhe ai gëzim zgjati shumë pak dhe pavarësisht të gjitha përpjekjeve ndër vite ende nuk ka mundur që këtë dëshirë ta plotësojnë.
Para se të hynte në BBVA 4, ajo vendosi t’i jepte lirinë partnerit të saj, duke u shprehur se “nuk mund ta mbante peng” për pamundësinë e dhurimit të një trashëgimtari.
Partneri i saj kishte zgjedhur ta surprizonte atë me një letër, ku shkruhej, “Rozi, në marrëdhënien tonë, ti më mund bindshëm me fjalët, por sot më takon mua të shkruaj edhe pse nuk është sporti im. Do ta përmbledh shkurt që të limitojmë sa më shumë dëmet. Mos të të shkruaja do të thoshte të të braktisja tani që je mirë, imagjino pastaj në të keq. Ti ke instinkt guximtari dhe për çfarë të bësh, s’ke pasur kurrë nevojë të pyesësh njeri. Ti e di përgjigjen më mirë se gjithkush. Fati i ndihmon guximtarët. Ne e kemi mbështetur pa kushte njëri-tjetrin dhe do të jetë gjithmonë kështu. Shënim: Shihemi pas festës”.
Ndërkohë Big Brother VIP Albania, në bashkëpunim me Tamber Clinic, vendosi t’i mundësojë Rozanës të gjitha trajtimet e nevojshme për të realizuar ëndrrën e saj për t’u bërë nënë. “Me shpresë të madhe, ndoshta që vitin tjetër, kur unë të jem duke bërë Big Brother-in, do të më vijë një mesazh nga ty që do të më thotë: ‘Hej, ia dolëm’”, tha Ledioni.
