Të dielën në mbrëmje, Princi dhe Princesha e Uellsit uruan ekipin e Mbretërisë së Bashkuar përpjekjet e tyre të mahnitshme gjatë Olimpikeve të këtij viti në një video të shpërndarë në kanalet e tyre të mediave sociale. Duke qëndruar krah për krah, William shfaqi një pamje të re me mjekër, ndërsa Kate zgjodhi një veshje “casual” me pulovrën e saj të preferuar me vija.
Catherine zgjodhi bluzën e saj Breton Stripe Ralph Lauren 'Tori', të cilën e ka veshur në disa raste, duke përfshirë në 2013 në një ngjarje sportive, ndërsa bënte pazar në Anglesey 2013, si dhe në Houghton Horse Trials në 2016. Por ky nuk është i vetmi pulovër me vija që ka. Në mars të këtij viti, kur Kate tregoi me guxim se po i nënshtrohej trajtimit të kancerit, ajo mbante një të ngjashme të markës britanike Erdem. Përse kjo preferencë?
Coco Chanel ishte e magjepsur nga vijat: Ajo u josh nga pamja dhe maskuliniteti i marinarëve dhe i ktheu vijat në modë për zonjat. Që atëherë, ky trend është veshur nga shumë personalitete të stilit duke përfshirë Brigette Bardot, Audrey Hepburn, Carrie Bradshaw, Kate Moss dhe sigurisht anëtarë të ndryshëm të familjes mbretërore si Diana dhe Meghan. Kate Middleton e pëlqen këtë pulovër, madje e ka kthyer gati në një uniformë për të, që do të thotë se kur e vesh, ndihet menjëherë më e sigurtë dhe e qetë, sidomos në kohë të vështira.
