Një modele tregoi se ëndrrat e saj për të bërë një fëmijë janë tashmë “të shkatërruara” për shkak të injeksioneve të shumta që ka bërë në trup. Jennifer Pamplona, 31 vjeçe, shpesh ka perfunduar në titujt e lajmeve për stilin e saj “të varur nga kirurgjia”, duke shpenzuar më shumë se 900 mijë euro për t’u dukur si idhulli i saj, Kim Kardashian.
Por tani ajo ka marrë lajmin e dhimbshëm se ka një mundësi të ulët për të mbetur shtatzënë për shkak të komplikimeve nga mbushësit në vithe, thote DailyMail.Polimetil-metakrilat (PMMA) është një substancë e përdorur për krijimin e mbushësve dermalë, shpesh për përmirësimin e konturit të lëkurës ose për ndihmën në riparimin e plagëve. Ai perdoret edhe për shtimin e zones se vitheve. Megjithatë, ka rreziqe të përfshira, duke përfshirë inflamacion dhe infeksione. Substanca mund të "emigrojë" nga vendi i injeksionit në pjesë të tjera të trupit, përfshirë zonën pelvike, gjë që mund të ndikojë në funksionimin e organeve riprodhuese. Sipas Dr. Carlos Rios, kirurgu plastik që është i specializuar për trajtimin e rasteve të Jennifer, ajo filloi të përjetojë dhimbje të forta në vithe dhe këmbë pas procedurës më shumë se 10 vjet më parë. Ai foli për modelen dhe komplikacionet që ka përjetuar si rezultat, në një dokumentar të prodhuar vetë të quajtur “Addiction”, dhe e quajti situatën e saj një “çështje jete ose vdekjeje”.
“Që në moshë të re, e imagjinoja momentin që do të kisha fëmijët e mi dhe do të krijoja një familje. Tani e shoh që të shkatërrohesha nga diçka që mendoja se ishte një zgjidhje për të përmirësuar pamjen time. Vuajtja është e madhe dhe dhimbja e të mos mundurit të krijojë jetën është diçka që kurrë nuk e kam imagjinuar se do të përballesha”, tha Jennifer.
