Ndërkohë që dielli na zbukuron me ngrohtësinë e tij, ai sjell me vete edhe rrezet ultraviolet (UV), të cilat mund të kenë një ndikim të madh në lëkurën tonë. Ekzistojnë dy lloje kryesore të rrezeve UV - UVA dhe UVB. Rrezet UVA depërtojnë thellë në lëkurë, duke shkaktuar plakje të parakohshme të lëkurës, ndërsa rrezet UVB shkaktojnë djegiet nga dielli. Të dyja janë të lidhura me zhvillimin e kancerit të lëkurës.
Është thelbësore për ne që të kuptojmë dëmin e mundshëm që këto rreze mund të shkaktojnë dhe të përshtatim mbrojtjen tonë nga dielli në përputhje me rrethanat. Po si të kërkojmë ndër produktet e kujdesit ndaj diellit që na mbrojnë lëkurën? Faktori mbrojtës (SPF) është jetik për kujdesin ndaj diellit, dhe masë mbrojtëse nga ekspozimi ndaj UVB. Ai nuk përcakton kohën që mund të ekspozoheni në diell, por tregon se sa kohë i duhet lëkurës së pa nxirë që të fillojë të skuqet nëse përdorni krem mbrojtës, krahasuar me kohën që duhet nëse nuk e përdorni kremin. E thënë më thjeshtë, "Nëse normalisht ju digjeni pas 10 minutash pa krem dielli, aplikimi i një kremi me SPF 15 do t'ju lejojë të qëndroni në diell pa u djegur për rreth 150 minuta".
Ky është një vlerësim i përafërt që varet nga lloji i lëkurës, intensiteti i dritës së diellit dhe sasia e kremit të përdorur. Kremrat kundër diellit kryesisht përdorin dy lloje filtrash mineral dhe kimik. Filtrat mineral, të tilla si oksidi i zinkut, veprojnë si një pengesë fizike në lëkurë, duke reflektuar dhe shpërndarë rrezet UV. Nga ana tjetër, filtrat kimikë thithin rrezet UV dhe i shndërrojnë ato në nxehtësi, duke e shpërhapur atë jashtë lëkurës. Kuptimi i këtyre mekanizmave është çelësi për zgjedhjen e kremit të duhur të diellit për llojin e lëkurës suaj dhe nivelin e dëshiruar të mbrojtjes. Hawaiian Tropic prezanton gamën e mahnitshme Minerale me locion për fytyrën dhe trupin me SPF30. Të formuluara në mënyrë unike me 100% oksid zinku, këto formula krijojnë një mburojë kundër rrezeve UVA dhe UVB.
Acto locione janë të lehta, tepër të përhapshme, jo të yndyrshme dhe me formulë hidratuese. Të mbushur me mirësinë tropikale të arrës së kokosit, kukuit dhe guavas, duke ofruar një ndjesi të këndshme. Dhe për ata që preferojnë filtrat kimike, Hawaiian Tropic ofron një sërë produktesh, nga locionet dhe vajrat e mbrojtjes me shkëlqim, deri te gama e mbrojtjes me hidratim. Me Hawaiian Tropic, ju mund të përqafoni të sigurt diellin, duke ditur që lëkura juaj është e përkëdhelur dhe e mbrojtur.
