Në këtë periudhë të vitit, nuk ka moment më të bukur sesa kur bëjmë plot gëzim, atë ritualin e sistemimit të dollapit. Të gjithë duam të rinovojmë gardërobën e sezonit, por kur gjendemi para disa veshjeve apo sendeve që lidhen kujtimet tona, ky proces është paksa i vështirë. Pastaj mendoj, sado që ne i duam tendencat e fundit të modës apo interior dizajnit, gjithnjë kemi nevojë për atë prekjen vintange në jetën tonë. Sepse duke gërmuar mes rafteve ndodh që zbulojmë ndonjë “thesar” i cili për seclin prej nesh ka shumë vlerë emocionale, por jo vetëm.
Kur vjen fjala te këpucët, mos harroni që një palë, sidomos ato më të dashurat do t’ju duhen gjithmonë për të përshtatur stilin tuaj. Sado modele të reja t’ju joshin nga vetrina dhe sado të shpenzoni më sandalet e reja të sezonit, mos harroni që një palë këpucë balerina vlejnë sa të gjitha bashkë. Ndoshta dikujt i sjellin në mend takimin e parë, por mbi gjithçka ato janë gjithmonë komode dhe mund të kombinohen shumë lehtë me çdo stil, ndaj mos i hiqni kurrë nga dollapi, sepse nuk kanë për të dalë kurrë nga moda.
Pikëpyetja me e madhe janë fustanet, sepse me to identifikohemi në stilin e përditshëm. Por, një trend që nuk ka për t’u zvetënuar kurrë janë padyshim fustanet me lule. Saktësisht, ato me lule të vogla, që edhe kur gjyshja i sheh i kujtojnë rininë. Arsyeja? Sepse motivet floreale nuk vdesin kurrë, janë motivi më i freskët që përfaqëson stinën e ngrohtë.
Sa herë të ka ndodhur që ke riblerë parfumin tënd të parë, me të cilin je sprucuar dy herë dhe pastaj e ke hedhur në një cep sepse ke zbuluar një aromë tjetër? Shumë herë, kjo është pikërisht arsyeja që gjithmonë kur rinovon dollapin ka gjithnjë pak hapësirë për një objekt kaq të shenjtë që vjen era qelibar dhe dru kedri. Shpesh mjafton ta prekni qelqin e shishes dhe do të ktheni pas në kohë njerëz dhe ndjesi.
Një nga pasionet e mia të reja është të koleksionoj kasa shumëngjyrëshe të pajisjes time IQOS. Nga dita e parë kur u konvertova nga duhanpirës tradicional në IQOS, zgjodha një të ardhme më të mirë, pa hi, pa tym dhe pa aroma të rënda, e cila ofrohet përmes teknologjisë së induksionit me këtë pajisje. Ndaj në raftin tim ka shumë kasa për pajisjen IQOS, duke e personalizuar dhe bëre më me stil eksperiencën time.
Besojeni apo jo, por aparatin e vjetër fotografik me film, nuk e zëvendëson asnjë telefon i zgjuar që ka edhe kamerat më të avancuara. Nëse e keni një të tillë, si fillim pastrojeni, pastaj gjeni filmin përkatës dhe me të mund të shkrepni foto panoramike, por jo vetëm. Nëse vërtet e keni për zemër, mos harroni t’i gjeni edhe një mbështjellëse në mënyrë që të mos i demtohet lentja dhe skeleti i jashtëm.
As teknologjia e fundit e dëgjimit të muzikës nuk e ka atë fuqi që ka gramafoni i vjetër i babit. Edhe pse tashmë është thuajse ekzotike të gjesh një disk vinili, më besoni edhe pse e fsheh here pas here këtë object plot kujtime nga dollapi, gjithnjë ka një hapësirë të mjaftueshme për të, qoftë në dhomën e ndenjes apo atë të gjumit. Pa harruar që një objekt kaq i dashur ka aftësinë t’i dhurojë një frymë tejet vintage çdo cepi brenda shtëpisë tuaj.
Mos harroni për sendet e vogla gjithmonë ka vend në jetën tonë.
Galeria fotografike
A duhet konsumuar buka çdo ditë?
Bodrumi, zgjedhja e kësaj vere!
Sot festohet Dita e Verës! Ç’duhet të dini?
Penelope Cruz: Jeta nis 50 vjeç!
8 Mars - 8 Fakte që Duhet të Dini!
Le të flasim për fragrancat virale të TikTok!
