KreuStil Jetese

 3 këshilla për t’u argëtuar dhe për të mësuar, ndërsa lexojmë

Tre sugjerimet për të lexuar dhe për të kujtuar mirë, të vlefshme si për romanet dhe për librat shkollorë?

A ju ka ndodhur ndonjëherë që të lexoni për orë të tëra dhe të mos mbani mend asgjë? Po, tregohuni të sinqertë. Ndonjëherë e kemi kokën të rënduar, ose kemi shqetësime që na mbajnë të zënë me mendjen. Por ndonjëherë, asgjë, truri ynë me të vërtetë nuk ia del të ndjekë ato fjalë të shkruara. Faqja iheartintelligence.com na jep këto tre rregulla të thjeshta për të nxjerrë sa më shumë nga leximi i një libri të mirë. Këto këshilla vlejnë si për tekstet shkollore dhe ato argëtuese.

Egocentrizmi

Natyrisht ne jemi më të interesuar në tema që na shqetësojnë drejtpërdrejtë. Po lexojmë një libër mbi Revolucionin Francez dhe po mendojmë: pse duhet ta bëj, nëse nuk jam francez? Pse duhet të blej tekste mbi çrregullimin bipolar, nëse nuk jam bipolar? Bëni një hap prapa. Ju gjithmonë do të gjeni një arsye për t’u lidhur me një libër. Revolucioni Francez? Nëse e urreni padrejtësinë dhe e doni lirinë, është historia që është për ju. Ju nuk keni një çrregullim bipolar, por ju mund të bini në dashuri me një njeri si ky.

Shënime

Kur studiojnë, shumë njerëz nënvlerësojnë fuqinë e shënimeve, të fjalëve të shkruara. Merrni shënim anën e faqeve, shkruani, theksoni fjalë kyçe me ngjyrat që doni. Është akti në vetvete, i cili është i rëndësishëm. Shkrimi lidh aktivitetin mendor me lëvizjen fizike. Kjo ndihmon trurin të ruajë informacionin në mënyrë më efektive sesa thjesht ta lexojë atë.

 

Pyetjet

Me tekstet shkollore shumë shpesh mendja jonë mund të shkaktojë autopilotin. Mundohuni ta mbani trurin tuaj aktiv, para se të filloni të lexoni: Mendoni për pesë pyetje që dëshironi përgjigje nga teksti. Disa pyetje duhet të jenë në çfarë dhe kur (Çfarë viti ka shpërthyer Revolucioni Francez?) Por të tjerët duhet të jenë më specifike dhe më të thella (Pse shpërtheu Revolucioni Francez?). Në këtë mënyrë truri do të angazhohet në nivele të ndryshme. Kërkoni përgjigje për pyetjet e tua dhe leximi do të bëhet më përfshirës dhe i vetëdijshëm. 

Tags:

Home Bordo Stil

Bordo No.65
Dhjetor 2023

SHKARKO VERSIONIN PDF