Apple ka pranuar atë që shumë pronarë të iPhone kanë dyshuar prej kohësh: iPhone-t e vjetër ngadalësohen!
Gjiganti i teknologjisë lëshoi një deklaratë të rrallë shpjegimi të enjten, duke thënë se ata kanë përdorur përditësime softuerike për të përmirësuar jetgjatësinë e baterisë, por që si efekt anësorë sillnin edhe ngadalësimin e celualarit.
Analistët e teknologjisë dhe klientët e zemëruar kanë raportuar në ditët e fundit se përditësimet e sistemit operativ kanë shkaktuar një ngadalësim të dukshëm në iPhone-t e vjetër. Disa prej tyre sugjerojnë se Apple mund ta përdorte këtë si një taktikë për nxitur blerjen e telefonave të rinj.
Por sipas Apple nuk është kështu. Gjigandi i teknologjisë insiston se përditësimet janë bërë me qëllime të ndryshëm, e një ndër to është përmirësimi i jetgjatësisë së baterisë. Sipas tyre performanca e baterive të litium-jonit degradon me kalimin e kohës, gjë që ndonjëherë mund të shkaktojë mbyllje apo bllokim të papritur të telefonit për të mbrojtur komponentët e tyre.
