Soni Malaj dhe Flori Mumajesi ishin një nga çiftet më të dashur mes personazheve disa vite më parë. Një histori që u kurorëzua me një puthje ‘live’ në skenën e “Kënga Magjike”, pas performancës së duetit “Fluturimi 3470”. Por, rrugët e tyre u ndanë, ndërsa mbrëmja e djeshme ka gjetur Sonin përballë një pyetje të vështirë.
E ftuar në “Shiko Kush Luan”, Malaj është dashur t’i japë një përgjigje pyetjes: a do të bashkëpunojë më me Mumajesin? Edhe pse e zënë ngushtë, përgjigja e Sonit ka surprizuar jo pak. “Pse jo? Ne kemi qenë miq, nuk kemi asgjë me njëri-tjetrin. Nëse do duhej të bashkëpunonim për diçka humanitare, pse jo?”, ka thënë këngëtarja, edhe pse reagime të këtij lloji rrallë i shohim ndër ish-të dashur.
Mesa duket, ndonjë ofertë për duetin e radhës do të vijë shumë shpejt, e nuk është nevoja të themi se çdo gjë në vijim do të vijë më bujshëm se kurrë!
