“Oscar” është eventi më i rëndësishëm i vitit për botën e kinematografisë, por jo të gjithë aktorët e famshëm e kanë prioritet atë dhe kanë munguar panvarësisht që ftesat ishin ndarë disa muaj më parë.
Ceremonia ka vetëm një kusht: të gjithë duhet të shkëlqejnë gjatë parakalimit në tapetin e kuq, gjatë ceremonisë së ndarjes së trofeve të rëndësishëm, si edhe në festën post eventit, ku të gjithë yjet bëhen bashkë për të shijuar muzikën e përzgjedhur, pijet, bisedat, etj. Por ky rregull nuk ka patur vlerë për Ashton Kutcher dhe Mila Kunis, të cilët e kanë braktisur ceremoninë, për diçka më private.
Ndonëse, njihen si bashkëshortë diskret sa i përket rrjeteve sociale, ata nuk e kanë kursyer një foto të të dyve. Sipas revistës People, ka qenë Ashton i cili ka publikuar një foto ku ata të dy duken shumë bukur bashkë, e ku ka shkruar: “night out with the wife”.
