Programi i saj është ndër më të ndjekurit, e krahas temave, të ftuarve, bisedave në studio, apo jashtë saj; veshja e Rudinës që në momentin që ajo futet në studio krijon menjëherë impaktin tek publiku në sallë, ai që e ndjek nga ekrani, por edhe tek ‘publiku’ në instagramin e saj. Moderatorja ikonike është tejet e kujdesshme në zgjedhjen e veshjeve të saj, duke preferuar të notojë në ujrat që ajo njeh mirë.
E në një kohë kur rrjetet sociale e përkatësisht instagram është kthyer në njësi matës suksesi, ne i hodhëm një vështrim tangent llogarisë së Rudinës dhe ajo që vumë re ishte se 2 ishin stilet e veshjes që kishin rrëmbyër më shumë like nga ndjekësit e saj; pantallonat; si dhe fustanet apo bluzat me shpatulla jasht. Mesa duket të paktën publiku i instagramit preferon ta shohë moderatoren më shumë në këto stile veshje…
Megjithatë pavarësisht veshjes apo stilit me të cilin Magjistari vjen në çdo puntatë, ëmbëlsinë dhe ‘magjinë’ e buzëqeshjes së saj, duket se nuk mundet ta sfidojë asnjë dhe asgjë.
