Priyanka Chopra dhe Nick Jonas kanë zemëruar zyrtarët e PETA-organizata për mbrojtjen e të drejtave të kafshëve- pas përdorimit të këtyre të fundit si pjesë e dasmës së tyre disaditore, ku imazhet e kafshëve të veshura me veshje ceremoniale për këtë rast e që kanë bërë xhiron e rrjeteve.
Aktorja indiane 36 vjeçare Chopra dhe partneri i saj këngëtari Jonas 26 vjeçar shkëmbyen betimet e tyre në një ceremoni martesore që zgjati disa ditë ku u përfshi një shërbim I krishterë të shtunën dhe një festë Hindu të dielën- të dyja të zhvilluara në Jodhpur, Pallatin Imaid Bhawan të Rajasthanit.
Ndër kafshët e përfshira në disa pjesë të dasmës është edhe një kalë i bardhë i veshur me zbukurime të kuqe dhe të arta, me të cilin dhëndrri mbërriti në ceremoni. Gjithashtu në fotot që qarkulluan nga dasma ishte edhe një elefant i zi.
Vetë drejtori i PETA në Indi tha në një deklaratë të hënën se Priyanka nuk ishte informuar e këshilluar siç duhej për stuhinë që mund t’i shkaktohej nga pjesmarrja e kafshëve dhe abuzimi i tyre në ceremoni. Sipas edhe një publikimi që ai ka bërë në rrjetet sociale ai ka thënë se ato ditë të gëzueshme për dyshen nuk kanë qenë ditë të lumtura për kafshët që ata kishin zgjedhur të kishin.
