Janë prezantuar sot në faqen zyrtare të Festivalit të 57-të në RTSH, këngët e 22 konkurrentëve të këtij edicioni. Formula e prezantimit të këtij edicioni ka si qëllim njohjen me një pjesë të këngës gërshetuar me një intervistë të artistit pjesëmarrës në garë, autorëve të këngës, apo edhe momente nga rutina e pwrdisthmwrisw sw vetë protagonistëve. Secili artist ka zgjedhur vetë fabulën me të cilën shfaqet në këto klipe promovuese dhe njohëse njëherësh me materialet muzikore me të cilët do të garojnë në Festivalin e madh të muzikës, fituesi i të cilit i jep mundësinë e përfaqësimit në Festivalin Eurosong, qw këtë edicion do të mbahet në Izrael. Vetë konkurrentët nuk e kanë fshehur ambicjen për kompeticionin europian, ashtu sikundër të tjerë vlerësojnë pjesëmarrjen në këtë Festival si më të rëndësishmin në vend, ku interpretojnë dhe performojnë me Orkestrën e madhe të Radio Televizionit Shqiptar.
Edicioni i 57-të i Festivalit të Këngës do të mbahet më 20, 21, 22 dhjetor 2018 në Pallatin e Kongreseve.
Insta Fest – Jonida Maliqi #fest57 #instafest #jonidamaliqi
Insta Fest – Eranda Libohova #fest57 #instafest #erandalibohova
Insta Fest – Bojken Lako #fest57 #instafest #bojkenlako
Insta Fest – Elton Deda #fest57 #instafest #eltondeda
Insta Fest – Dilan Reka #fest57 #instafest #dilanreka
