Në dasmën e Justin Bieber dhe Hailey bëri përshtypje fakti se mikesha e nuses Kylie Jenner u shfaq në ceremoni e vetme pa Travis Scott. Kaq mjaftoi që mediat e huaja të hulumtonin nëse qëndron ndonjë arsye pas mungesës së Scott në dasmën e çiftit Bieber.
Duket se një arsye paska dhe ajo qenka ndarja! TMZ shkruan se dyshja për momentin nuk janë bashkë dhe kanë preferuar të marrin një ‘pauzë’ në marrëdhënien e tyre.
Një burim ka treguar se Jenner dhe Scott u përpoqën të rregullonin marrëdhënien e tyre, por kuptuan se për momentin zgjidhja më e mirë për të dy ishte ndarja.
Gjithsesi Kylie dhe Scott do të vazhdojnë të kenë një marrëdhënie të mirë si prindërit e Stormi dhe për momentin prioriteti numër 1 për dyshen është vajza e tyre.
Galeria fotografike
