Në 24 orët e fundit janë regjistruar 24 raste të reja të të prekurve me COVID-19, ku 3 prej tyre janë staf mjekësor në qytetin e Kukësit. 518 persona janë në total personat e regjistruar në Shqipëri të cilët kanë dalë pozitivë, të prekur nga COVID-19.
Ndryshe nga herët e tjera të dhënat janë bërë publike nga ministrja e Shëndetësisë, Ogerta Manastirliu nga salla e Kuvendit gjatë seancës së sotme parlamentare.
Ministrja tha se vendi po e përballon më së mirë këtë situatë, ku në të dy spitalet COVID është zënë vetëm 14 % e kapacitetit të tyre, dhe falë masave u bë shmangia e kolapsit të sistemit shëndetësor.
Prej 5 ditësh fatmirësisht numri i të shëruarve është më i lartë se ai i të infektuarve aktivë, por ende jemi në luftë dhe kemi arritur të sheshojmë kurbën epidemiologjike duke gjurmuar çdo rast, theksoi ministrja e shëndetësisë Manastirliu.
Sipas ministres në Shkodër, Fier, Elbasan dhe Tiranë, por dhe në të gjithë vendin po punohet pa ndaluar në terren, për të parandaluar përhapjen e koronavirusit. Në fjalën e saj Manastirliu nuk harroi që të falenderoj stafin mjekësor I cili është në vijën e parë me përballjen me koronavirusin.
Horoskopi ditor, e enjte 16 prill 2020
Horoskopi ditor: 15 prill 2020
Horoskopi Ditor 14 Prill 2020
