Një grua shtatzënë ka rezultuar pozitive me koronavirus në Kosovë. Ajo ishte referuar nga Spitali i Gjakovës për në Qendrën Klinike Universitare për probleme shëndetësore neurologjike.
Gruaja e lindur më 1980-ën, aktualisht në javën e 28-të të shtatzënisë, fillimisht ishte kontrolluar në Klinikën Gjinekologjike ndërkaq më pas ishte transferuar në Emergjencë për shkak të problemeve të natyrës neurologjike, shkruan Gazeta Shneta.
Testi i parë i kishte rezultuar negativ, ndërkaq sot i është bërë testi i dytë me mostra nga tubusi gjë që ka konfirmuar praninë e koronavirusit Covid-19.
Shtatzëna tani po trajtohet në njësinë intensive të Klinikës Infektive në QKUK.
Këtë e ka konfirmuar edhe infektologia Dr. Sadije Namani. Ajo ka treguar se gruaja ka rezultuar pozitive në koronavirus dhe tani është pranuar në Klinikën Infektive.
Rastet tjera në nivel të Kosovës pritet të publikohen nga Instituti Kombëtar i Shëndetit Publik nga mostrat e marra sot nga terreni dhe nga Klinika Infektive.
Horoskopi ditor, e enjte 16 prill 2020
Horoskopi ditor: 15 prill 2020
Horoskopi Ditor 14 Prill 2020
