Eliona Pitarka, informacionet mbi jetën e saj private, i ka nxjerrë si “me grep”. Vetëm pasi kishte qarkulluar mirë e mirë në mediat rozë lajmi i shtatzanisë, e konfirmoi dhe vetë. Pastaj pritëm ca që të mësonim gjininë e bebit ( të cilën e tregoi përmes një videoje aq të këndshme ku kërcente dhe vetë). Por gjatë gjithë kësaj, na kishte mbajtur të fshehur atë që shumë kishin kuriozitet ta shikonin: partnerin. Së fundi megjithatë e postoi një foto me të, duke treguar se është një djalë mjaft simpatik, dhe të dy duken shumë mirë bashkë. “Fluturat që ai më shkaktonte u shndërruan në këmbë të vogla”, ky është statusi i parë i Eliona Pitarkës dhe e para herë që poston një foto babain e fëmijës që pret.
