Fshiu kryqin nga klipi i këngës së re, reagon Capital T pas kritikave

Ishin të shumta kritikat ndaj Capital T, pasi u vu re se në klipin e këngës së tij të re “Buzëqeshje”  ishte hequr kryqi mbi kishë me fotoshop.

Capital T ka reaguar së fundmi nëpërmjet një postimi në Instagram, ku sqaron se nuk ka gisht në këtë histori dhe përgjegjësinë ia kalon produksionit të videos.

“Nëse unë kam një qëndrim do e kisha mbajt, s’jam nga ata që tërhiqem. Por kam qenë promovues i qyteteve, objekteve fetare, plazheve e bukurive natyrore në krejt shqiptarinë dhe realisht jam ndër të parët që kam xhiruar nëpër kisha, por gabimet ndodhin unë s’jam kameraman, as editues dhe e vërteta është që s’kam dorë në këtë gabim të produksionit dhe po bëjmë gjithçka që ta zëvendësojmë”, shkruan Capital T në sqarimin e tij.

Previous ArticleNext Article