Princi William, i dyti në radhën e fronit britanik, nisi një vizitë në Emiratet e Bashkuara Arabe. Pallati Kensington tha se ishte vizita e parë zyrtare e Dukës së Kembrixhit në Emiratet e Bashkuara Arabe.
Gjashtë nga emiratet e saj pushuan së qeni protektorat britanik 50 vjet më parë dhe formuan një federatë. E shtata u bashkua në 1972. Vizita, me kërkesë të zyrës së jashtme të Britanisë, vjen pasi ajo po kërkon të thellojë lidhjet tregtare me shtetet e pasura Arabe, si pjesë e strategjisë së saj pas Brexit.
William do të vizitojë panairin botëror “Expo 2022” që organizohet nga Dubai dhe gjithashtu do të promovojë çmimin e tij mjedisor, “The Earthshot”, dhe do të nxjerrë në pah fushatën, “United for Wildlife””, e cila kundërshton tregtinë e paligjshme të kafshëve të egra.
“I ngazëllyer që po mbërrij në Dubai për të festuar Mbretërinë e Bashkuar në @DubaiExpo dhe për të diskutuar çështjen jetike të punës së bashku me Emiratet e Bashkuara Arabe dhe partnerët ndërkombëtarë për të arritur një botë më të qëndrueshme”, shkroi Princi William në Twitter.
Galeria fotografike
