Ricky Martin akuzohet për abuzim në familje dhe inçest nga nipi i tij, Dennis Yadiel Sanchez, ndërkohë që avokati i këngëtarit po i mohon të gjitha akuzat.
Në fillim të këtij muaji, Martin, 50 vjeç, u përball me një urdhër ndalimi gjatë një incidenti në Porto Riko, por emri i akuzuesit fillimisht u fsheh. Sipas faqes spanjolle të lajmeve Marca, vëllai i Martinit, Eric Martin, zbuloi identitetin e akuzuesit si nipi i tij 21-vjeçar.
Sanchez së fundmi identifikoi Martinin, xhaxhain e tij, si sulmuesin e tij të supozuar. Sipas Sanchez, Martin “ushtroi sulme fizike dhe psikologjike” kundër tij.
Gazeta vuri në dukje se ligjet e inçestit në Porto Riko mund ta dërgojnë Martinin në burg për 50 vjet, nëse pretendimet vërtetohen. Këngëtari pritet të kthehet në Porto Riko më 21 korrik për gjykimin e tij, ndërkohë që të premten u pa në xhirimet e “Mrs. American Pie” në Los Angeles.
Pas dorëzimit të urdhrit të ndalimit, Martin shkoi në Twitter për të mohuar akuzat. “Urdhri i mbrojtjes i dhënë ndaj meje bazohet në akuza krejtësisht të rreme, ndaj do të përgjigjem përmes procesit gjyqësor me faktet dhe dinjitetin që më karakterizojnë”, shkroi ai në rrjetet sociale.
