Aromat mesdhetare
Receta të lehta, të shijshme, por shumë të shëndetshme për çdo ditë, e çdo vakt. Bordo dhe Eco Market sugjerojnë disa pjata që kanë bazë aromën e produkteve mesdhetare, nga vaji i ullirit deri tek mentja, lëngu i trëndafilit, kosi apo peshku. Shijojini bashkë me miqtë dhe familjen.
Brusketë me perime mesdhetare
Përbërësit: 100 gr patëllxhan, 100 gr kungull i njomë, 50 gr ullinj të zinj, 60 gr kos, 160 gr djathë dhie i freskët, gjethe borziloku, 1 lugë gjelle vaj ulliri dhe bukë të zezë.
Përgatitja e recetës
Përgatitja e perimeve; Lani patëllxhanin dhe kungullin e njomë, priteni hollë në kuba dhe vendosini në tigan, ku kemi hedhur vaj ulliri. Piqini për 4 ose 5 minuta, duke i kthyer shpesh.
Përgatitja e salcës: Vendosni në tasin e blenderit djathin, kosin, ullinjtë, të cilëve u kemi hequr farat dhe borzilok. Kalojini në blender dhe më pas hidhini në një tas të madh.
Shërbejini pasi të keni prerë bukën e zezë në feta, të cilën e kemi spërkatur më parë me vaj ulliri. Lyeni bukën me salcë, hidhni sipër perimet dhe pak borzilok.
Durrësi, perla e Adriatikut
Romina Ferra: Çelësi i suksesit
Çfarë duhet të dini për parfumin?
Aksesorët e vjeshtës që duhet t’i blini që tani!
Horoskopi ditor, e mërkurë 17 gusht 2022
Këto modele flokësh do t’ju shpëtojnë nga vapa!
Recetë: Kek me mollë dhe mascarpone
Horoskopi ditor, e diel 14 gusht 2022
Lukova: Perla e Jonit!
Koha për kujdes, detoks për fytyrën!
