Lajmi se Luana Vjollca do të rikthehej në ekran gëzoi pamasë gjithë fansat e shumtë që moderatorja e njohur ka.
Tashmë çdo gjë është gati, dhe produksioni i “Zemër Luana” ka publikuar promon e programit, një promo shumë e bukur dhe mëse e realizuar. Luana duket se as këtë herë nuk ka zhgënjyer fansat dhe është rikthyer më fuqishëm se kurrë.
“Zemër Luana” do të vijë pranë publikut nga 6 nëntori, çdo të diel, në orën 21:00, në ekranin e televizionit Klan. Në promo zbulohet se do të jetë një emision dedikuar lojrave, gjë e kërkuar kaq shumë nga publiku.
Por nuk mbaron këtu, pjesë e realizimit të spotit kanë qenë aktorët më të njohur të teatrit dhe filmave shqiptar si Viktor Zhusti, Genc Fuga, Met Xhelili, Sokol Angjeli, Kastriot Çaushi dhe pjesëmarrjen e veçantë të Bes Kallakut.
