Festat mbaruan, e bashkë me to, edhe “lëshimet” që i lejuam vetes me ushqimin. Tani është koha t`i rikthehemi kujdesit për trupin, dhe mundësisht të mendpojmë për heqjen e rëndesës që ndiejmë për shkak të konsumit të ushqimeve teje kalorike si bakllavaja apo kadaifi. Po a e dini sa duhet për të tretur kaloritë që keni marrë qoftë dhe me një ngastër (cope) bakllava? “Duhet të bëni 20 km ecje” , tha nutricionistja Anila Kalleshi e ftuar në emisionin “Ditë e Re” në RTV Ora. Duhet të dini që bakllavaja e sherbetosur nuk merr shumë kalori nga sheqeri sesa nga gjalpi që ka çdo shtresë, tregon Kalleshi.
“Pjesa më e madhe e kalorive merret nga gjalpi” prandaj nisni punën të konvertoni këto kalori në ecje dhe ushtrime fizike. Ajo nënvizon se problem nuk është nata e Vitit të Ri, por riciklimi i ushqimeve pas asaj nate.
“Është ekstremisht i dëmshëm. Ngrohja dhe ftohja e ushqimeve krijon mundësinë e zhvillimit të patogjeneve dhe bakterieve të ndryshme. Ushqimi nuk është i freskët dhe mund të sjellë dëme në organizëm shoqëruar kjo dhe me kaloritë e tepërta që kemi marrë prandaj duhet të shtoni ecjen dhe aktivitetin fizik“, është shprehur ajo, duke shtuar se megjithatë gjithçka varet dhe nga metabolizmi i trupit tuaj. Mos harroni as të konsumoni ujë. “Jo vetëm që pastron trupin nga alkooli që kemi konsumuar por ndihmon dhe në rigjenerimin e qelizave e reja. Uji është i domosdoshëm”
Këshillat për vitin 2023
-Fokusohuni tek lënget e frutave smuthi.
-Konsumoni supra e sallata. Janë ushqime shumë të lehtë për organizmin.
-Një mëngjes me smuthi, kos, fara është fantastik
-Konsumini frutat e pyllit. Selinoja është një perime me bum vitaminash. Është lëng çudibërës. Ju sugjerojmë 400 mln lëng selinoje.
30 vjet Italoptik!
Tomorri, froni i perëndive!
Trendi i ri: Vitamina B12 për humbjen e peshës!
