KreuStil Jetese

Çfarë të veçante kanë verërat spanjolle?! Ju njohim me to dhe ja ku i gjeni! 

Çfarë të veçante kanë verërat spanjolle?! Ju

Për shijuesit dhe ekploruesit e verës, kjo padyshim është një botë e pafund. Kantina të njohura në botë, tashmë kanë krijuar identitetin e tyre dhe janë kthyer në brande. Natyrshëm, në një botë të globalizuar, shumë prej tyre I gjejmë edhe në Shqipëri. Sot, do të prezantojmë 4 etiketa spanjolle të kantinës Finca Fella, të njohura, të sukseshme dhe me cilesi të veçanta, që i bëjnë ato të jenë të preferuara në tavolinat e restoranteve, por edhe të shtëpive tona, falë kompanisë LMComercial, e cila ka eksluzivitetin e këtyre etiketave në vendin tonë. 

Ajo çfarë vlen të citohet është fakti se vreshtat e këtyre etiketave spanjolle janë mijëvjeçare dhe ndodhen në 800-900 metra mbi nivelin e detit dhe përfitojnë nga flladi i freskët që vjen nga malet. Prania e gurit gëlqeror dhe gipsit në tokë e bën mjedisin perfekt për cilësinë e lartë të rrushit.

Për klientin individual, që kërkon të provojë dhe shijojë këto verëra, por pse jo për t’i ndarë edhe me miq në raste dhuratash dhe festash; mund t’u drejtohen enotekave të njohura në vend si: në Tiranë – Enoteca Heritage (IG- heritage.tirana), në Durrës Enoteca Heritage (IG enoteca.heritage), në Korçë- Idea Vino&Gastronomia (IG – idea.vino.gastronomia) dhe Vlorë, Idea Vino&Gastronomia (IG – idea.vino.gastronomia.vlore).

Në Tiranë i gjeni në një mori të madhe restorantesh si: Mira Mar, Menam, Ujvara, Taiwan, Vila Bianco, Castello de Bello, Oh Lola, Sanall, Still Fish, Negus, La Puglia, Villa Feliz, etj.  

Më poshtë gjeni një prezanatim më të detajuar për 4 emrat, që kemi zgjedhur t’u njohim sot. 

Kjo verë vjen nga zona e Almansa-s (Spanjë), varieteti I rrushit është Verdejo dhe ka një përqindje alkooli 12.5 %, serviret në temperaturë  10-12°C. Vera Altado Verdejo Do Almansa Karakterizohet nga një ngjyrë e verdhë, e zbehtë me shkëlqime jeshile, e pastër dhe e shndritshme. Në hundë është e fuqishme dhe e freskët, me aromë banane dhe aroma të freskëta dhe të plota. Në shije është e rrumbullakët dhe e gjatë, me shije të aromës së frutave të bardha në verë, tipike për varietetin e rrushit Verdejo. Rekomandohet të shoqërohet me oriz, ushqim deti dhe djathë të lehtë.

Kjo verë vjen nga zona e Almansa-s (Spanjë), varieteti I rrushit është Monastrell dhe ka një përqindje alkooli 15.5 %, serviret në temperaturë  16-18°C. Vera Altado Monastrell Do Almansa

Me një ngjyrë të kuqe të fortë që anon nga vishnja. Në hundë, buqeta e aromave tipike të varietetit “Monastrell” është ruajtur me shumë kujdes. Me aromën delikate të frutave, e përzier me nuancat e drurit nga fuçitë e lisit francez, e balancuar mirë dhe e freskët në shije. E gjallë, me aciditet të lartë dhe tanine të rrumbullakëta.

Shërbehet në mënyrë perfekte me mishin e kuq, makaronat me kërpudha, djathrat dhe proshutat e stazhionuara.

Kjo verë vjen nga zona e Albacete (Spanjë), varieteti I rrushit është Tempranillo dhe ka një përqindje alkooli 13 %, serviret në temperaturë  14-16°C. Vera Cala Rey Tempranillo Rosado.

Ngjyrë e ndritshme dhe e pastër e salmonit, aroma intensive. Një aromë delikate, shumë e frutshme me nota të qershisë dhe mjedrës. Trup mesatar, intensiv, i ekuilibruar mirë, i butë dhe i rrumbullakët, shumë i gjatë në gojë.

Shërbehet në mënyrë të përsosur me peshkun, pjatat e para të lehta dhe mishin e bardhë.

Kjo verë vjen nga zona e Albacete (Spanjë), varieteti I rrushit është Garnacha Tintorera dhe ka një përqindje alkooli 15.5 %, serviret në temperaturë  18-20°C. Vera El Maso Almansa.

Verë e kuqe e thellë. Me intensitet dhe këmbëngulëse, me elemente qershie, rrush pa fara, barishte, kanellë, karafil, kakao, jamball dhe lë të kuptohet shija minerale. Strukturë e shkëlqyeshme, ekuilibër i mirë midis alkoolit dhe freskisë, shumë këmbëngulëse me një fund të gjatë.

Shërbehet më së miri me pjata të para të pasura, mish të kuq, djathra të stinës.

Tags:

Home bordo

Bordo No.64
Nëntor 2023

SHKARKO VERSIONIN PDF