Ylli i popit, Britney Spears dhe bashkëshorti i saj Sam Asghari, kanë qenë së fundmi në titujt kryesorë të mediave botërore pas vendimit të tyre për të hequr dorë nga unazat e martesës. Spears aktualisht është me pushime në Meksikë me miken dhe menaxherin e saj, Cade Hudson, ndërsa Asghari ndodhet në Los Angeles, ku thuhet se po xhiron një projekt.
Fotot e marra nga Daily Mail treguan Spears pa unazën e saj të martesës, ndërkohë që në rrjet po qarkullon edhe një video ku këngëtarja bën një kërcim seksi me menaxherin e saj. Asghari u pa gjithashtu pa unazën e dasmës, teksa po largohej nga një servish makinash të enjten. Megjithatë, një burim ka konfirmuar se Asghari e ka hequr unazën e tij për shkak se është duke xhiruar një projekt, duke hedhur poshtë çdo aludim për probleme në martesën e tyre.
Spears dhe Asghari u martuan në qershor 2022 dhe martesa e tyre dukej se po shkonte mirë, derisa në janar filluan shqetësimet e fansave për shëndetin e Spears pasi ajo u pa e mërzitur në një restorant. Fansat vendosën më pas të thërrasin policinë për të kryer një kontroll në shtëpinë e yllit të popit pasi ajo u largua nga rrjetet sociale. Megjithatë, Spears reagoi dhe siguroi fansat e saj se ajo ishte mirë.
Asghari ka qenë një partner mbështetës për këngëtaren gjatë gjithë betejave të saj dhe pavarësisht spekulimeve rreth martesës së tyre, duket se gjërat po shkojnë mirë.
Receta/ Supë me pesto borlizoku
Horoskopi ditor, e shtunë 1 prill 2023
Çfarë po ndodh me Kiarën pas daljes nga BBVA!
