Në seancën fillestare, bashkëshorti i Liridona Ademajt shprehet se është “plotësisht i pafajshëm” për vrasjen e saj, ndërkohë që Kushtrim Kokalla tha se nuk deklarohet pa u konsultuar me avokatin, Granit Plava tha se zgjedh të mbrohet në heshtje, kurse Tom Dodaj ka pranuar fajësinë.
Ky i fundit është përfshirë në akuzë, pasi i ka shitur armën Murselit, me të cilën më pas është kryer vrasja e Liridona Ademajt. Gjyqtarja ka bërë të ditur se ai dënohet me 5 vjet burgim dhe me gjobë 5 mijë euro.
Kujtojmë që Liridona Ademaj u vra në një rrugë në fshatin Bërnicë të Prishtinës në fund të nëntorit 2023.
Rasti fillimisht ishte raportuar si “grabitje me pasoja të vrasjes”, por dy ditë më vonë autoritetet kishte arrestuar personat përgjegjës në mes të tyre ishte edhe bashkëshorti i Liridonës, Naim Murseli.
