Princ Leka dhe Elia Zaharia duket se i kanë dhënë fund martesës së tyre. Prej kohësh lajmi ka qarkulluar në media dhe një gjë e tillë u konfirmua edhe në ditën e Krishtlindjes, ku Princ Leka dhe Elia Zaharia publikuan foto vetëm me vajzën e tyre, ndryshe nga vitet e tjera.
E mesa duket Princ Leka jo vetëm është ndarë nga Elia Zaharia, por ka krijuar edhe një lidhje të re dashurie. Ditët e fundit ai ka shtuar numrin e fotove të postuara, ndryshe nga zakonisht, dhe në to shihet vetëm me vajzën e tij.
Në media thuhet se pas aparatit qëndron e dashura e re e Princ Lekës, të cilën ky i fundit e ka bërë tag edhe në postimet e tij. Bëhet fjalë për Blerta Celibashin, që punon si gazetare për marrëdhënien me median dhe që është e angazhuar duke i bërë foto gjithë kohës Princ Lekës.
JOQ ka kontaktuar fotografen për të pyetur në lidhje me aludimet në mediat, po ajo ka refuzuar të bëjë koment në lidhje me to, duke shtuar edhe më shumë dyshimet në këtë mënyrë.
"Përshëndetje, ju falënderoj për mesazhin/interesimin tuaj. Nuk dua të bëj koment në lidhje me këtë çështje. Kërkoj mirëkuptimin tuaj", ka shkruar ajo.
