Dikur çifti më i bukur e i lakmuar në Hollivud, por edhe pse mund të kenë kaluar njëzet e tre vjet që kur Alec Baldwin dhe Kim Basinger u divorcuan, aktori 66-vjeçar ende i vuan pasojat e atij divorci në jetën e tij familjare. Në episodin e fundit të serialit “The Baldwins”, Alec tregoi sa shume ndikoi ndarja e tyre në vitin 2002 tek ai dhe fëmijët.
“Divorci im nga nëna e Irlandës nuk ishte i lehtë. Ishte shumë e gjatë, shumë e shtrenjtë. Ishte thjesht çmenduri, thjesht çmenduri,” tha ai. “Isha në aeroplan çdo javë, gjatë gjithë vitit shkollor. Shkoja e kthehesha nga Nju Jorku në Los Anxhelos 18 herë në vit. Mora me qira një shtëpi tetë shtëpi larg vajzës sime dhe nënës së saj, duke menduar se kjo do t’i bënte gjërat më mirë, por nuk ndodhi. Pra, përfundoi dhe mbetet e vështirë”.
Ylli i Hollivudit ka rrëfyer se kjo përvojë e vështirë ende e prek atë në marrëdhëniet me fëmijët e tij më të vegjël. Duke qenë se marrëdhënia ime me Irlandën u ndikua shumë negativisht nga divorci nga nëna e saj, unë e mbaj gjithë atë barrë në marrëdhënien time me fëmijët e tjerë, për fat të keq”, tha ai.
“Kjo është arsyeja pse unë mendoj se jam kaq i fokusuar te atësia, të jem i pranishëm dhe t’i çoj në shkollë shumicën e ditëve, në vend që të punoj.”
