Egli dhe Gjesti kanë darkuar së bashkë dhe ky i fundit i ka kërkuar falje për gabimet e tij në një darkë të organizuar për t’u sqaruar rreth situatës mes tyre. Gjesti i tha se ka pasur një lidhje të veçantë me Eglin, duke e përshkruar energjinë që ndanin së bashku si të veçantë, më shumë se me askënd tjetër.
“Jam përshtatur me ty në shumë gjëra, t’i kam thënë të gjitha gjërat se e kam ditur që ti nuk m’i përdor. Të kam thënë të kam në krahë, më është ndenjur me ty. Më shumë se kam qeshur me ty me askënd tjetër se ka qenë energjia”, tha ai.
Gjatë bisedës, ai i kërkoi falje për lotët e Eglit, “E ke moshën, e di. Më fal. E di që ke tjera mendime, por më fal. Unë jam ky njeri. Nuk mendoj shumë, vetëm futem. Kurrë nuk mendoj se çka më pret pas. Më fal. E di që e do një djalë serioz, që do me çu jetën me dikë. Si motra ime, ka dëshirë të krijoj familje. Po të kuptoj, por kuptom edhe ti mua.
“Energjinë e mirë kur e kam me një njeri vuaj për atë njeri. Të kërkoj falje për lotët e tua, kam pasur gabime. Nuk e lë veten të pastër. Prezenca e jote më ka munguar në shtëpi, nuk mund të ma mohosh, as që jam kënaqur me ty. Ka qenë energjia”, tha ai, teksa theksoi se prezenca e Eglit i ka munguar gjatë qëndrimit në shtëpinë e Big Brother.
