Veriu i Kosoves u trondit nga një ngjarje e rëndë, me dy te vdekur kur një pronar biznesi qëlloi ish- punonjësen e tij për vdekje me armë zjarri, për t’i dhënë më pas fund edhe jetës.
Mediat lokale kanë publikuar një video, ku sipas tyre duket bashkëshorti i viktimës në momente dëshpërimi ndërsa është njoftuar për vdekjen e gruas.
Paraprakisht thuhet se motiv i ngjarjes ishte xhelozia e pronarit të furrit të bukës ndaj gruas dhe bashkëshortit të saj që u larguan nga biznesi i tij për të nisur punë në një vend tjetër. Megjithatë, autoritetet kanë nisur hetimet për zbardhjen e plotë të rrethanave të ngjarjes.
https://www.facebook.com/tvveriu/videos/1199510798501389/
“Nuk ka pasur ndonjë lidhje familjare. Ka qenë grua shembullore. Para një kohe kanë qenë punëtore e këtyre me gjithë bashkëshortin por rrethanat se si kanë ardhë deri te vrasja nuk i dijmë as ne si familje. Kërkojmë mirëkuptimin e juaj që familjarët të mos shqetësohen. Gruaja ka qenë rreth të 40-ave, probleme nuk ka pasë…Dhashtë Zoti të jetë viktima e fundit. Sipas një informate xhelozia se përse ke shku te një tjetër vend me punue dhe jo te unë”, ka thënë një i afërm i viktimës.
Kujtojmë se një ditë më parë një vrasje e rëndë tronditi po qytetin e Vushtrrisë ku mbeti i vrarë një 19 vjeçar.
