Këtë të premte u mbajt premiera e filmit “Pasaporta”, me regji të Eduart Grishaj. Një film i realizuar me mjeshtri, i bazuar në ngjarje të verteta, mbi dhimbjet dhe vështirësite e emigracionit ilegal.
Pas filmit të shumta kanë qenë komentet pozitive, duke e cilësuar këtë film si një super realizim, falë edhe kastit të përzgjedhur. Në "Pasaporta" një rol të vogël kishte edhe Arbana Osmani, duke bërë në film atë që di të bëjë më mirë, moderimin.
Të shumtë ishin emrat e njohur të botës së artit dhe medias që kaluan në tapetin e kuq.
Kujtojmë që filmi “Pasaporta” vjen me një skenar të shkruar nga vetë Eduart Grishaj, në bashkëpunim me skenaristin e njohur shqiptar, Luan Bexheti.
Filmi përqendrohet në historinë e një të riu shqiptar, Arbeni, i cili ëndërron të largohet nga Shqipëria për të ndjekur një jetë më të mirë në Perëndim. Pasi arrin të sigurojë një pasaportë të rreme, ai nis një udhëtim të mbushur me sfida dhe pengesa të panumërta.
Galeria fotografike
