Regjisori Eduart Grishaj ka qenë i ftuar në emisionin “People” në Euronews Albania dhe ka folur mbi projektin e tij të filmit “Pasaporta”. I pyetur në lidhje me largimin nga ekrani të tij dhe të Arbanës, ai tha se shkëputja nga projektet televizive për ta ishte diçka për të cilën e ndjenin të nevojshme ta bënin pa u ndikuar nga askush.
“Kemi menduar të bëjmë pak pauzë. Pas shumë viteve që punojmë në televizion e shohim që ka ardhur momenti që të bëjmë diçka të vogël por tonën, për qefin dhe dëshirën ashtu siç ne e mendojmë, siç është filmi “Pasaporta” i cili do të vijojë edhe në një sezon tjetër mbas një shkëputje të shkurtët të tij.
Kjo nuk ka të bëjë me të tjerë, pra pa pasur asgjë as me televizionin apo bashkëpunëtorët e tij”, tha regjisori Grishaj.
Më tej ai shtoi se pas filmit, mund të rikthehet sërish në televizion pasi i pëlqen t’i miksojë gjërat, “Gjithmonë jam munduar t’i miksoj gjërat e mia. Bëj televizion, duhet të bëj dhe film, e mbase pas këtij filmi mund të bëj televizion”.
Kujtojmë që premiera e filmit “Pasaporta” do të mbahet sot, më 17 janar në orën 19:00 në Shqipëri dhe Kosovë.
