Rozana Radi është përfshirë në një debat me Gertën, ku pasi aktorja i tha se nënë e dy fëmijëve nuk të takon të flasësh ashtu, moderatorja i tha, “Unë kam atë që ti nuk e ke”.
Kjo situatë ka rënduar Rozanën e cila pas debatit, është prekur dhe ka qarë. Për këtë gjë ka reaguar në mediat sociale edhe motra e Rozanës e cila në disa nga postimet e saj ka shkruar “Si mund ti thuash dikujt ato fjalë? Po je nënë Gerta dhe nuk është e bukur ti thuash një vajze kam atë që ti se ke.. ku e di ti historinë e jetës së Rozanës, ku e di ti, po s’ke si e di joo. Rozana askush s’ti meriton lotët. Gerta gixhari nuk t’i fal kurrë lotët e motrës sime".
Duke qenë e rënduar psikologjikisht, si asnjëherë më parë Rozana hapi zemrën me Gertin dhe tha se e ka dëshiruar shumë një fëmijë dhe se vite me radhë nuk ka mundur ta ketë. Të gjithë rrogën dhe madje në përpjekje për një shtatzëni ajo ka mbetur edhe pa shtëpi.
“Më shumë kam shkuar unë nëpër spitale se sa mjekët”, është shprehur Rozana, teksa u shpreh se partneri i saj e ka mbështetur dhe i ka thënë se ai ka zgjedhur atë dhe nëse nuk do kenë fëmijë nuk ka rëndësi.
Të shumtë kanë qenë banorët që i kanë dalë në mbrojtje, ndërsa Gerta vazhdonte të theksonte se nuk i interesonte arsyeja pse nuk ka fëmijë, ajo thjesht i dha përgjigje të asaj që Rozana tha.
