Vdekja tragjike e Val Kilmer nga pneumonia në moshën 65-vjeçare ka tronditur fansat në mbarë botën. Edhe pse në ato momente, ai ishte i rrethuar nga familjarët dhe miqtë, tani mësohet se në fakt, ylli i Hollivudit "nuk kishte pasur një të dashur për 20 vjet" dhe "ndihej i vetmuar çdo ditë". Pavarësisht se ishte beqar në kohën e vdekjes së tij, Kilmer ishte konsideruar si një njerëzit “me zemrën më të madhe në Hollivud” në vitet 1980, kur kishte pasur lidhje me disa nga femrat më të bukura të industrisë.
Një mashkull tejet joshës, Kilmer tërhoqi asokohe Cindy Crawford, Angelina Jolie dhe Daryl Hannah, ndërsa u martua vetëm një herë në jetë, me aktoren Joanne Whalley. “Gjithmonë i kam gjetur femrat pafundësisht më interesante se meshkujt”, shkroi Kilmer në kujtimet e tij të vitit 2020. “Ndoshta kjo është arsyeja pse ne kemi shkuar gjithmonë mirë. Ne jemi elefantë të mëdhenj të zbehtë …ndërsa ato janë flutura.'
Aq e fuqishme ishte karizma e tij, sa Cher madje pranoi se ishte një nga të paktët burra që ishte ndarë ndonjëherë me të. Por pas lidhjes së tyre me një diferencë moshe 13-vjeçare, kur Kilmer ishte vetëm 21 vjeç, 'lumturia u kthye në kaos'.
Ylli i Batman, i cili u diagnostikua me kancer në fyt në 2014, nuk do të gjente më kurrë lumturi të qëndrueshme në dashuri - dhe i kaloi vitet e tij të fundit vetëm. Ai e pranoi se kishte qarë çdo ditë për gjashtë muaj pas ndarjes së tyre. Dyshja u takuan për dy vjet nga 1982 deri në 1984, kur Cher ishte 36 vjeç dhe Val 23. Diferenca e tyre në moshë ngriti shumë vetulla në Hollyëood në atë kohë. Në vitin 1984, karriera e Val po merrte një shtysë të fortë pasi po përgatitej të luante në Top Gun në 1986. Ata u takuan pasi Kilmer u diplomua në shkollën Julliard, më i riu që u pranua ndonjëherë në konservatorin tejet të vlerësuar privat të arteve të performancës.
Në një intervistë të vitit 2021 me revistën People, Cher tha se kishte rënë 'çmendurisht në dashuri' me aktorin e ri. "Nuk kam kurrë asnjeri tjetër si ai”, do të deklaronte asokohe Cher. “Ndjenja jonë e humorit dhe ajo që do të duronim nga njëri-tjetri, ishte më shumë se sa mendoj se kam pasur ndonjëherë me ndonjë djalë tjetër. Dhe ai ishte kaq i bukur. Kalonim nga dashuria e cmendur, tek e qeshura histerike”, do të kujtonte ajo më vonë.
Femra megjithate, që i theu zemrën nuk ishte Cher, por Daryl Hannah. Pas ndarjes me të, Val pati rrëfyer se kishte qarë për 6 muaj rresht. Dyshja u takuan në vitin 2001 pasi punuan në filmin In God We Trust. Ajo më vonë u martua me Neil Young në 2018.



















