Sezoni i tretë i serialit “Squid Game” do të publikohet premierë më 27 qershor, ka konfirmuar Netflix. Nuk është zbuluar shumë për skenarin e sezonit të tretë, por supozohet se do të pasojë ngjarjet menjëherë pas përfundimit të episodit të shtatë të sezonit të dytë të “Squid Game”.
Në sezonin e tretë, rolet do të luhen nga aktorët Lee Jung-jae, Park Gyu-young, Jo Yu-ri, Kang Ae-sim, Yang Dong-geun, Lee Byung-hun.
Autori i serialit Hëang Dong-hyuk theksoi se pjesa e tretë do të jetë e ngjashme me pjesën e dytë të sezonit të dytë.
“Unë nuk kam ndonjë arsye të veçantë për këtë, përveç se në fillim e imagjinoja të gjithë këtë si një serial, kështu që sezoni i dytë dhe i tretë ishin pjesë e një historie të vetme gjatë kohës që isha duke e shkruar. Ndërsa e zhvillova historinë, unë e kuptoi që kishte shumë episode dhe se ishte shumë e gjatë”, deklaroi ai.
Kujtojmë që sezoni i dytë i serialit u pa mbi 126 milionë herë në vetëm 11 ditë nga premiera.
