Mbrëmjen e djeshme është vendosur në skenën e Teatrit Eksperimental “Kujtim Spahivogli” tragjedia “Hamlet” e William Shekpsir.
Aktorja Laura Nezha, e cila interpreton rolin e Ofelisë tregon për BORDO emocionet e mbrëmjes së djeshme dhe çfarë do të thotë ky rol për të.
Nga Sidorela Lepri
Mbrëmjen e djeshme është vendosur në skenë shfaqja “Hamleti” dhe ju interpretoni rolin e Ofelisë. Mund të na tregoni disa nga emocionet e premieres së mbrëmshme?
Mund të them se shkoi mjaft mirë, kuptohet plot emocione të bukura të finalizimit të një pune tjetër për mua. Më lumturuan duartrokitjet, urimet dhe fjalët e mira. Ishte kënaqësi të punoja me regjisorin e talentuar Enke Fezollari, që solli një frymë tjetër për shfaqjen.
Laura, çfarë do të thotë për ty të interpretosh në një rol të tillë?
Së pari e konsideroj fat, sepse Ofelia një nga personazhet më të famshëm të dramaturgjisë që e njeh i vogël e i madh, përgjegjësi të madhe për ta sjellë në karakter, mundësi për të shpalosur gjithë nuancat e shpirtit, nga më të pastrat deri tek ato me të gërryerat nga dërmimi.
Si je ndjerë në petkun e Ofelisë dhe çfarë do të veçoje nga ky rol?
Shekspiri është gjeni për vetë faktin se vepra e tij flet e do të flasë gjithmonë me po të njëjtën fuqi dhe kjo të bën ta ndjesh rolin shumë afër vetes, mbi të gjitha kur Hamleti-partner vishet me fytyrën dhe shpirtin e bukur të Luiza Xhuvanit, që më ka falur besim. I jam mirënjohëse.
Meqënëse jemi tek personazhet, në petkun e cilit je ndjerë më shumë vetvetja?
Sikur të mund t’i ndaja në çdo personazh do e gjesh një copëz nga vetja dhe kështu janë të gjithë të shtrenjtë.
Angazhimet e ardhshme pas këtij roli?
Jam në bisedime për rolin e radhës për të cilin do të filloje puna në fillim të prillit si dhe për këngën e re që nuk do të vonojë.
