Ditët e fundit ka pasur shumë diskutime lidhur me martesat mes personave të së njëjtës gjini me qendrime pro dhe kundër. Një nga personat që është qartësisht kundër, është aktori Julian Deda. Ai thotë se është një gjë e panatyrshme lidhje mes personave të së njëjtës gjini. Ja çfarë shkruan Deda:
“Ajo reklama ku një fëmijë rritet me dy nëna, promovon të panatyrshmen. Siç është e panatyrshme ndërhyrja në kodin e familjes. Dhe e dini pse, sepse ky kod është bërë natyrshëm për familjen tradicionale, e cila po kërcënohet përditë nga shfaqje të tilla. Unë nuk jam kundër, që çdokush të ketë familjen e tij, por do ishte mirë që familja të vazhdojë të jetë e shëndetshme, me role të ndara ku burri bën Babain dhe gruaja bën Nënën.
Si mund të rritet një fëmijë me dy nëna? Mire kjo, por akoma më e mundimshme dhe e sikletshme do ishte, që ky fëmijë të rritej me dy baballarë, kjo nuk hahet as me vaj e as me uthull. Ndërkohë që në kete vend ka rënë flama social-politike, këta gjejnë kohë dhe guxim të promovojnë anti-familjen.
Ore kam një pyetje për ju të “dashur” LGBT-ista, meqë jeni edhe shqiptare që jetoni të përditshmen. Ç’mendoni ju për situatën e keqe ekonomike, për papunësinë, për drogën, për përgjimet, për aferat seksuale, për taksat e larta, për këndin e lojrave te parku i liqenit, për aksionin opozitar, për artin dhe teatrin, për arsimin e për shumë probleme që ka vendi juaj i mjerë, i cili po kalon ditët e tija më të vështira?
Prononcohuni, ndihmoni në zgjidhjen e situatave, kontriboni në përmirësimin e debatit publik, sepse kjo ju bën të barabartë dhe të përfshirë në jetën e përditshme. Apo, nuk ju intereson asgjë përveç kauzave tuaja të pakuptimta, të cilat ju i përdorni çdo vit për të marrë miliona lekë nga organizatat e huaja dhe vendase, duke i gënjyer ata, duke u thënë atyre se jeni të diskriminuar.
Bëhuni të dobishëm për vendin tuaj. Harxhojini energjitë për gjëra të natyrshme, sepse e panatyrshmja të lodh, të torturon dhe në fund nuk fiton asgjë. P.s. Shpresoj, që ky status të mos bllokohet me urdhër të brendshëm”.
Flokët mahnitëse të yjeve në Kanë
Aurela Gaçe shtatzënë, flet këngëtarja
Kjo është “lepurushka” më seksi e 2016!
