Pas tmerrit të përjetuar ditën e djeshme nga moderatorja e Top Channel, Luana Vjollca, duket se sot asaj i është dashur të përballet me disa dëshmi të çuditshme, nga manjaku që e përndiqte për muaj të tërë. Besmir Lila, pas konfrontimit fizik që pati ditën e djeshme me të dashurin e Luanës, Krenar Çoçaj është shoqëruar në ambientet e Drejtorisë së Policisë, nga ku ka dëshmuar se ai me Luanën janë të dy të dashuruar. Gazeta Shqiptare shkruan se Besmiri ka rrëfyer se do të bënte gjithçka për bukuroshen e Top Channel dhe ka mohuar faktin se ai e ka përndjekur Luanën, por sipas tij ata të dy kanë ndjenja të sinqerta ndaj njëri-tjetrit dhe se ajo i ka premtuar martesë. Ndërsa në dëshminë e saj Luana Vjollca ka treguar se ajo përndiqej prej 8 muajsh nga fansi i saj, por nuk i kishte kushtuar shumë rëndësi këtij fakti, pasi nuk i ishte dukur shumë shqetësues.
Çfarë ndodhi ditën e djeshme mes Besmirit dhe Krenar Çoçaj
E denjë për një skenar filmi aksion, ka qenë ajo ç’ka përjetuar bukuroshja Luana Vjollca. Pasi ka lënë punën, pasditen e djeshme ajo është nisur drejt shtëpisë me automjetin e saj tip Audi, shkruan Panorama. Gjatë rrugës ajo ka ndjerë që dikush po e përndiqte dhe duket se menjëherë ka telefonuar të dashurin e saj Krenar Çoçaj. Nuk ka vonuar shumë dhe Çoçaj i është gjendur në ndihmë të dashurës së tij, duke qëndruar me automjetin e tij pas manjakut që vijonte me ndjekjen ndaj Luanës. Në një moment trafiku, manjaku ka dalë nga makina e tij dhe i është afruar automjetit të bukuroshes së Top Channel, por për pak sekonda atij i ka ardhur një grusht nga Krenari, i cili ishte në gadishmëri për çdo rast rreziku. Dy djemtë kanë vijuar për pak çaste duke u përleshur me njëri-tjetrin, por efektivët e policisë nuk kanë vonuar dhe janë gjendur në vendngjarje. Ajo ç’ka e bën më tragjike këtë ngjarje është fakti se i riu, identiteti i të cilit ende nuk bëhet i njohur, në momentin e fundit ka nxjerrë nga çanta një pistoletë, për t’ja drejtuar Krenarit, por për fat të mirë efektivët e policisë bënë të mundur evidentimin e një tragjedie, duke ia marrë armën nga dora. I riu është arrestuar, ndërsa Luana dhe Krenari janë shoqëruar në polici, për të dhënë dëshminë e tyre. Përndjekja ndaj Luanës prej të riut, ka nisur që prej vitit 2016, por deri më tani duket se nuk ishte gjë shqetësuese.
Si i festojnë yjet Pashkët
Luana Vjollca përjeton çaste tmerri
Rituali i ëmbël i Sara Hoxhës!
Melania Trump fiton kundër Daily Mail
Veshjet më të bukura të Charlize Theron
Zaho Rama, një vogëlush plot stil!
Kylie Jenner ‘kopjon’ Elvana Gjatën!
Noizy, një dajë shembullor!
Stili i yjeve në javën e parë të prillit
Kur çiftet bashkohen edhe në veshje
