Sot, shënon data e lindjes së një prej artisteve më të famshme në historinë e kinematografisë, pikërisht Marilyn Monroe, dhe jo më kot adhuruesit e aktores e kujtojnë atë, nëpërmjet fotove e filmave të ndryshëm. Sytë e gjelbër, buzëqeshja marramendëse, flokët e verdhë e me onde të mëdha, janë disa nga karakteristikat tipike të Monroe, e cila mbetet e pazëvendësueshme në llojin e saj. Edhe pse me një jetë të mbushur me histori të trishta, edhe pse me një fund krejt të hidhur, Marilyn vazhdon të tërheqi qindra vajza e djem të rinj edhe sot, jo vetëm nga bukuria, por dhe nga performanca në dhjetra prodhime kinematografike, ku gati gjithmonë është protagoniste. Si një yll Hollywood-i, ajo ishte padyshim një nga femrat më me stil të kohës, paraqitjet e të cilës, bënin që sytë të ktheheshin vetëm nga Monroe. Në galeri do të gjeni disa nga çastet më ‘fashion’ të aktores, si në filma, ashtu dhe në jetën reale.
